Rezimana Kurdî

Pirtûkên gramerî xwedan du karîgerîyên sereke ên girîng in. Ji bo xwendevan-hîner çavkanîyên sereke ên jêneger in ku bi saya wan mirov hînî mantiq û matematîka zimên dibe û ji bo zimanzan, zimannas an lêkolînerê zimên jî çavkanî an biwara lêkolînên berfireh û sûdewar e.

Rezimana Kurdî a Sadiq Bahaeddînê Amêdî, tevî ku xwedan du karîgerîyên navborî û girîng e, di heman demê de ji bo danberheva her du zaravayên Kurdî, Kurmancî (Kurmancîya Jorî )û Soranî (Kurmancîya Jêrî) jî ji bo qada lêkolînê çavkanîyeke bêhempa ye.

Her wiha ev xebata Amêdî, bi mînakdayînên dewlemend û cihêwaz, bi danberheva her du zaravayan, bi balkêşana li ser xalên ku heta niha nehatine kûrkirin an li ber çavan nehatine girtin ve di biwara xwe de cihê mînakeke nûwaza a zimanê Kurdî ye.