Dublinî

Dublinî berhevokeke panzdeh çîrokan e ku James Joyce di navbera salên 1904-1907an de ew nivîsîne. Hemû çîrok li Dublinê, li sehneya ebedî a edebîyata Joyce, derbas dibin. Di destpêka sedsala bîstemîn de, di hinga tevgerên nasyonalîst, kulturî û dînî ên îrlendî de, jiyana li Dublinê di sê qonaxên temenê mirovî (zarokî—seretî—pîrî) re tê vegotin. Bajarekî ku paşê ê bibe xwediyê yek ji teswîrên herî xurt di cîhana edebî de û nivîskarê wê yî ku ê paşê reng û rûyê edebiyatê bi temamî biguherîne di van çîrokan de işaretên yekemîn didin ji bo wê paşeroja bêhawe.